Mbrëmjen e sotme, në emisionin “Soiree” të Jonida Shehut do të zhvillohet “Nata vlonjate”, ku do të jenë të ftuar emra të njohur të qytetit të Vlorës, si Maya, Rita Lati, Bujar Asqeriu, vëllezërit Veshaj etj.
Mirëpo, burime pranë “Top Channel” kanë treguar se jo gjithçka ka shkuar siç duhet gjatë emisionit. Burimet tregojnë se mbrëmja pritej të quhej “Mbrëmja e jugut” dhe për këtë ishin të ftuar dhe Agron Llakaj dhe Ylli Baka, shkruan Xing.al.
Por ndryshimi në moment të fundit i emrit ka sjellë reagimin e ashpër të Bakës dhe Llakajt. Megjithatë, mbetet të mësojmë më tepër ç’ka ndodhur në studio gjatë transmetimit të emisionit mbërmjen e sotme.