E drejta e emrit të produkteve të saj mund t’i kushtojë jo pak një picerie gjermane. Sipas asaj që raporton “Bild”, UEFA ka kërkuar një procedim penal për restorantin ”Pizza Cloud”, pasi ajo ofron pica me emrin “Champignon League”, i ngjashëm me atë të turneut më magjik të futbollit europian, UEFA Champions League.
Piceria e mori me humor këtë çështje, teksa e ka publikuar edhe në rrjetet sociale.
Në postim thuhet se ata ndihen të nderuar dhe shtojnë se do të presin për të parë se deri ku do të arrijë UEFA me këtë çështje.