Një ngjarje horror ka ndodhur në Iran. Agjencia e lajmeve ILNA, ka raportuar se, dy vëllezër, kanë pranuar se i kanë prerë kokën gruas së njërit prej tyre dhe pamjet i kanë shpërndarë në internet. Burrat, janë arrestuar 4 orë pas vrasjes, në qytetin Ahvaz.
Dhjetëra mijëra njerëz e panë videon në rrjetet sociale, e cila tregonte një burrë që kishte një thikë të madhe ndërsa mbante një kokë të prerë me flokë të gjatë në një dorë tjetër.
ILNA citoi një oficer policie, kolonel Sohrab Hosseinnejad, të ketë thënë se “të pandehurit kanë pranuar vrasjen gjatë hetimeve policore dhe janë prezantuar para autoritetit gjyqësor”.
Raporti përmendi problemet familjare si motivin e mundshëm, por shtoi se çështja është nën hetim ndërsa policia nuk i bëri të ditur emrat e burrave dhe nuk dha hollësi të mëtejshme mbi vrasjen ose kush e filmoi videon.
Por pamjet tronditën këdo që i panë në internet.