Makina, në të cilën udhëtonin dy ministra, është përfshirë në një aksident zinxhir të ndodhur sot pasdite para godinës së qeverisë maqedonase, në Shkup.
Në aksidentin zinxhir u përfshinë tre makina, dhe në njërën prej tyre udhëtonte ministri i Financave, Fatmir Besimi dhe ministri i Ekonomisë, Kreshnik Bekteshi.
Fatmirësisht, nga aksidenti ka pasur të lënduar lehtë.
Vetë ministri i Financave njoftoi për aksidentin përmes një postimi në “Facebook”.
“Sot vonë pasdite, vetura zyrtare me të cilën kam qenë duke udhëtuar bashkë me ministrin e Ekonomisë, Kreshnik Bekteshi, për në mbledhje pune në Qeveri, ka qenë pjesëmarrëse në një aksident trafiku që ka ndodhur në udhëkryqin përballë Qeverisë. Përveç dëmeve materiale në vetura, fatmirësisht nuk ka persona të lënduar rëndë. Disa nga pjesëmarrësit pësuan lëndime të lehta. Të lënduarve u uroj shërim sa më të shpejtë”, shkruan Besimi në “Facebook”.