Pas 5 orësh debate dhe diskutime të shumta në seancën e sotme plenare, deputetët e Kuvendit të Shqipërisë votuan për zgjatjen e afateve të vettingut, ndërsa LSI braktisi seancën.
Monika Kryemadhi ka folur pasi ka dalë nga Kuvendi dhe u shpreh se ka votuar abstenim për zgjatjen e afateve të vettingut dhe reformën territoriale dhe ka votuar pro për reformën zgjedhore.
Kryemadhi zbuloi se pro zgjatjes së mandatit të organeve të drejtësisë ka votuar vetëm deputeti Agron Çela.
Më tej, kryetarja e LSI-së u shpreh se është enigmatike se si kryedemokrati Basha ndryshoi mendim në vetëm një orë lidhur me vendimmarrjen në Kuvend.