Një person ka mbetur i plagosur në Bulqizë, pas disa të shtënave me armë. Sipas informacioneve paraprake, i plagosur ka mbetur shtetasi Mirdash Osmani.
Në vitin 2015, Osmani u arrestua pasi dyshohet se kishte porositur 3 vrarës me pagesë për të ekzekutuar një 20-vjeçar, me të cilin dyshohej se kishte pasur konflikte.
Informacioni paraprak i policisë
Rreth orës 16.30, në vendin e quajtur Ura e Çerenecit, dyshohet se shtetasi B.S, pas një konflikti për motive të dobëta ka plagosur me armë zjarri shtetasin M.O, i cili po merr ndihmë mjekësore në spitalin e Peshkopisë dhe ndodhet jashtë rrezikut për jetën.
Autori i dyshuar pas ngjarjes është larguar dhe shërbimet e policisë po punojnë për kapjen e tij.
Grupi hetimor vijon hetimet në vendngjarje, për zbardhjen e plotë të rrethanave të ngjarjes.