Administratorja e Inceneratorit të Tiranës, Ariola Kodra nuk është paraqitur në seancën dëgjimore të thirrur për ditën e sotme.
Asaj i janë kërkuar dokumente shtese dhe është njoftuar të paraqitet serish në Komision në orën 9:00, por kjo gjë nuk ka ndodhur.
Kryetarja e Komisionit Hetimor Jorida Tabaku tha se kishin 20 minuta që e prisnin Kodrën, ndërsa më pas vendosi që të ndërpresë mbledhjen, deri sa të paraqitet dëshmitarja.
“Zonjen Kodra megjithese kemi 20 minuta qe e presim, nuk eshte shfaqur ne Komision. Une i kerkoj stafit te Komisionit Hetimor qe te vendosemi ne kontakt me te. Te gjejme nje numer telefoni, ta ritherrasim edhe nje here ne dreke, ne thirrjen e trete, nese nuk paraqitet, per zonjen Kodra ne do te bejme te njejten procedure qe propozuam per z. Loran Dusha, do te njoftojme sherbimet e Policise se Shtetit per ta sjelle ketu me force”, tha Tabaku.