Vazhdon të jetë situatë e rëndë në disa territore të Ukrainës të vetëshpallura si autonome prej kohësh.
Ushtria e Ukrainës po përplaset me forcat separatist pro-ruse.
Si pasojë e shkëmbimeve të armatosura të denoncuara nga republika e vetëshpallur e Donetskut, në Donbass, u vra edhe një civil, si dhe një ushtarak.
Kështu deklaroi milicia separatistë pro-ruse e cituar nga agjencia ruse Tass. Mësohet se civili ishte një minator, i cili ishte nisur për në punë dhe u qëllua duke pritur në stacionin e autobusit.
Mëngjesin e kësaj të hëne është raportuar edhe një shpërthim i fuqishëm afër aeroportit të Donetskut, shpërthim që është dëgjuar në një rreze prej disa kilometrash.
Po ashtu, Kreu i Republikës së vetëshpallur Popullore të Luganskut (LPR) Leonid Pasechnilk ka nënshkruar një dekret për mobilizimin vullnetar të burrave mbi moshën 55 vjeç.
“Burrat e moshuar mbi 55 vjeç mund të bashkohen vullnetarisht”, thuhet në dokument.