Ministrja e Infrastrukturës dhe Energjetikës, Belinda Balluku ka ironizuar PD-në për akuzat e saj mbi shumat e paguara për inceneratorët. Balluku kujtoi edhe debatet mbi shifrat e pjesëmarrjes së dy Kuvendeve që nga Basha dhe Berisha.
Por ministrja nuk u ndal me kaq, pasi kujtoi edhe lapsusin e Bashës, për 7X7 = 42. Kaq mjaftoi që të reagonte ashpër kryetarja e Komisionit, Tabaku i kujtoi Ballukut arrestimin e ish-ministrit Lefter Koka.
PJESË NGA DEBATI
Balluku: S’më dilte kurrë kjo shumë që keni thënë; 430 milionë për inceneratorët. Unë personalisht kam respekt…ma lërë fjalën. Me gjithë respektin për punën, por kjo shkon si puna e karrigeve të pallatit të Kongreseve që morën 5 mijë veta.
Tabaku: Me 7X7= 42 ka shkuar njëri në burg. Ta shohim a do shkojë njeri tjetër në burg apo jo.
Balluku: Nëse merrni përsipër me qetësi olimpike dhe të flisnin për 430 mln në një mënyrë sikur këto i keni të kapura me presh vjedhjet. Por ky është abstragim.
Tabaku: S’e keni kuptuar.
Balluku: mos e shtyp atë mikrofonin se e ke në dorë, por i bie që në ato 2 mijë karrige të fusni 15 mijë veta tani.
Ndërhyjnë deputet e PD: Aty e ke mendjen ti..
Balluku: Aty e kam mendjen