13 mësues dhe 2 infermiere janë shpallur “Qytetar Nderi” të Bashkisë Mat.
Këshilli Bashkiak miratoi sot me vota unanime propozimet që kishin mbërritur për vlerësimin e disa prej mësuesve dhe infermiereve me kontribute serioze në rrethin e Matit.
Cevan Cevani, Farie Kuka, Sadik Zeneli, Gani Ahmeti, Kadri Biba (pas vdekjes), Allaman Kadiu, Sherif Barçi, Kapllan Beqiri, Islam Rruci, Gjovalin Gjinaj, Violeta Sena, Vokër Sulkurti, Pashke Përshqefa, Behixhe Kazhani e Beglie Xhelili morën votat e të gjithë këshilltarëve të pranishëm për t’u shpallur “Qytetar/e Nderi” të Bashkisë Mat.
Mësohet se ceremonitë e dorëzimit të titujve do të organizohen nga Bashkia Mat më 7 e 8 Mars, festës së mësuesit dhe grave.
