Fituesi i çmimit të madh të Big Brother Vip, ku arriti të fitonte 100 mijë euro, Ilir Shaqiri del për herë të parë në një intervistë pas fitores. Ai foli për “Open” mbi rivalitetin e madh me Donald Veshaj.
“Gjithmonë e kam përcaktuar veten si lojtar i vetvetes, kam ardhur për të prezantuar karakterin tim. Këtë ua kam thënë të gjithëve. Strategji për sa i përket dinamikës në zgjedhjen e miqësisë dhe fjalës, ajo është strategjia ime.
Me Donaldin kemi pasur kontraste të forta, kjo dhe për shkak të moshës. Kam 22 vjet më shumë se Donaldi. Ai ka perceptimet e veta përsa i përket jetës dhe ne prandaj kishim pikëpamje të ndryshme”,- tha Iliri.