Banorët kanë qëlluar me gurë efektivët e policisë, ndërsa i kanë vendosur flakën barishteve te zona e ‘5 Majit’ në Tiranë.
Kjo ka sjellur tensione pasi në zonë janë shtuar forca të shumta policie. Disa prej banorëve ende nuk kanë dalë nga banesat e tyre, duke bërë që forcat e policisë të futen brenda dhe t’i nxjerrin me forcë jashtë.
Ky është momenti kur policia shoqëron nje nga banorët, e cila po protestonte tek ‘5 maji’, duke mbrojtur shtëpinë e saj.
Policia ka shoqëruar Bekim Cerrin, Loreta Nikollin si dhe Mirash Nikollin. Nikolli ishte prezente në protestën e banorëve që në orët e para të mëngjesit. Së bashku me gratë e tjera, Nikolli bëri rezistencë, duke krijuar kordon bashkë me fqinjet e saj. Ende nuk dihet arsyeja se pëse ajo është shoqëruar nga policia.