Dy persona kanë mbetur të lënduar si pasojë e një zjarri të rënë në një banesë në bulevardin “Zogu I” në Tiranë.
Ngjarja ka ndodhur në banesën e 55-vjeçarit me iniciale B.R. Për pasojë, janë lënduar vetë pronari dhe B.R. 78 vjeç. Ata janë dërguar në spital dhe ndodhen jashtë rrezikut për jetën.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit.