Shqipëria është renditur si një nga destinacionet më të pëlqyera për stinën e dimrit. Blerina Ago, ekspertja e turizmit ”Active Albania” na rrëfeu në emisionin “Jeto me Orën” që Shqipëria pëlqehet shumë për shkak të pozitës së saj gjeografike dhe sipas saj të huajt e pëlqejnë shumë. Për sa i përket turizmit në vendin tonë ka akoma shumë mangësi sepse ne si vend nuk arrijmë ti plotësojmë siç duhet kërkesat e turistëve.
Fatkeqësisht në 2 vitet e fundit turizmi ka humbur dhe shumë fuqi punëtore për shkak të mungesës së likuiditeteve dhe kjo ka bërë që shumica e bizneseve të mos jenë plotësisht aktivë, kjo dhe për arsye të pandemisë. Një tjetër arsye është edhe rritja e çmimeve. Sipas ekspertes ky vit ka për të pasur një frymë pozitive sepse që tani ka filluar dhe rezervimi i biletave. Edhe ne vetë si popull duhet ta promovojmë vendin tonë.
Disa nga aktivitet që ekspertja rekomandoi për këtë vit janë: eksplorimi i luginës së Vjosës, duke zhvilluar kështu kalërimin, ecjen peshkimin etj. Një tjetër aktivitet që ajo rekomadon është hiking në malet e Alpeve, një terren i cili të le pa fjalë me bukuritë që ai ka. Më pas ajo na rekomandoin edhe Gadishullin e Karaburunit sepse të jep mundësi të shijosh ngjyrën blu e të thellë të detit.Një kuriozitet që ajo na tregoi ishte afrimi edhe më shumë i delfinëve në bregdet.
Përveç këtyre një tjetër vend që mund ta vizitojmë është edhe qyteti Shkodrës i cili është quajtur ndryshe dhe”djepi i kulturës”.
Destinacioni i fundit që ajo na rekomandon edhe qytetin e Korçës duke qenë se aty zhvillohen shumë koncerte nga këngëtarë shumë të njohur të muzikës shqiptare.
Destinacioni më i pëlqyer për turistët do jetë ai bregdetar por në preferencat e tyre nuk do mungojnë as zonat malore.