Shkolla 9-vjeçare “Mark Trokthi” në Laç ka përjetuar momente dramatike. Ditën e sotme, rreth orës 09:00 kur nxënësit ishin në mësim, është dëgjuar një shpërthim në ambientet e kësaj shkolle. Defekti ka ndodhur në një pajisje elektrike duke shkaktuar shkëndija zjarri kurse ambientet e brendshme të shkollës janë mbuluar nga tymi.
Janë marrë masat menjëherë për të evakuuar nxënësit dhe mësuesit, ndërsa nuk kanë vonuar të mbërrijnë në vendin e ngjarjes zjarrfikësit të cilat kanë mundur të marrin në kontroll flakët.
Fatmirësisht nga ky zjarr nuk ka pasur persona të lënduar përveç dëmeve materiale. Mësohet se ka nisur një hetim lidhur me shkaqet e zjarrit.