Ish-deputeti shqiptar Arlind Çaçani ka vendosur që të lirojë banesën e tij në Kolonjë në dispozicion të një familjeje ukrainase.
Çaçani nënvizon se ai është i gatshëm që të strehojë 10 refugjatë nga Ukraina duke i ndihmuar edhe me gjithçka që ata do të kenë nevojë.
“Solidaritetin tim për popullin ukrainas që po përjeton një agresion të ashpër nga Rusia, e kam shprehur që herët. Nga sot vë në dispozicion të një familje deri në 10 persona shtëpinë time në Kolonjë në qoftë se do të ketë refugjatë të luftës që do të duan të strehohen në vendin tonë. Kushtet do të jenë super optimale dhe do të përpiqem që gjatë qëndrimit të mos ju mungojë asnjë gjë. (Gatishmërinë time jua kam bërë me dieni dhe kontakteve të mia në Ukrainë)”, shkruan ish-deputeti shqiptar.