Ambasadori i Ukrainës në Tiranë Volodymyr Shkurov ka shprehur mirënjohjen për mbështetjen që popullin shqiptar ka treguar ndaj Ukrainës.
Ai ka bërë thirrje që tani vendi ka nevojë për ndihmë financiare dhe humanitare.
“I bëjë thirrje diplomatëve rusë të dënojnë luftën bashkë me popullin rus. Ukraina është e pajisur me armë, por ka nevojë për ndihmë, por edhe me ndihma financiare dhe humanitare. Në ambasadën është ngritur një seli për ndihmë humanitare, kushdo që do mund të kontribuojë. Falenderoj popullin shqiptar për mbështetjen e tij të pakompromis”, tha ambasadori.
Edhe bashkëshortja e ambasadorit ka mbajtur një fjalë, ku i ka bërë thirrje të gjithë nënave shqiptare të dalin të protestojnë këtë agresion që bëhet ndaj fëmijëve.
“Kam një thirrje për gratë shqiptare, ju ftoj t’i bashkoheni qëndrimit tonë dhe të protestoni kundër këtij agresioni pas nuk ka gjë më të keqe se sa kur nëna shohin lot në syt e fëmijëve. Ju bej thirrje nenave ruse të protestojnë, me keqardhje ju them se ju do merrni sot fëmijët tuaj të vdekur, të vrarë në luftë”, tha ajo.