Deputeti Kreshnik Çollaku, përmes një postimi në rrjetet sociale, shkruan se është paditur në SPAK për shpifje, nga Komisioni i Rithemelimit të PD.
Në reagimin e tij, Çollaku thekson se u padit për shkak se disa javë më parë ka shkruar se: “Rusia dhe inteligjenca anti-Nato përpiqen të destabilizojnë Ballkanin duke shfrytëzuar konflikte të brendeshme etnike, fetare dhe politike”.
Dhe në vijim, deputeti i rreshtuar në krah të Bashës shton: “do ta kuptoja nga ndonjë avokat i qeverisë ruse këtë lloj padie, por nga “demokratët sovranistë” të Tiranës është çudi e madhe”.
Postimi nga Kreshnik Çollaku
Mos e besoni po deshet.
Jam paditur për “Shpifje” në SPAK nga Komiteti i Rithemelimit se kam thënë disa javë më parë se “Rusia dhe inteligjenca antiNato përpiqen të destabilizojnë Ballkanin duke shfrytëzuar konflikte të brendeshme etnike, fetare dhe politike”.
Do ta kuptoja nga ndonjë avokat i qeverisë ruse këtë lloj padie, por nga “demokratët sovranistë” të Tiranës është çudi e madhe.
I paditur apo jo bindja ime mbetet, Rusia sikundër po shkatërron Paqen në Evropë, sikundër kundërshton zgjerimin e Nato po përpiqet dhe do të përpiqet të destabilizojë Ballkanin.