Me anë të një postimi në rrjetet sociale, kryeministri Edi Rama tha se këtë pranverë do të përfundojë Bypassi i Beratit dhe do të jetë gati për qytetarët. Ky investim do të bëjë të mundur lehtësimin e trafikut si dhe do t’i ofrojë njerzve një infrastrukturë më të mirë.
“Një tjetër vepër e rëndësishme infrastrukturore i shtohet qytetit turistik të Beratit. Bajpasi i madh, i cili këtë pranverë do të jetë gati, do të sjellë lehtësimin e shumëpritur të trafikut në qytetin e bardhë, që po tërheq çdo vit e më shumë turistë nga e gjithë bota”, shkruan Rama.
Nga ajo që ka deklaruar kryeministri, ky Bypass zgjidh problemin e trafikut dhe ndotjen mjedisore në rrugën “Antipatrea”, si dhe lehtëson hyrjen dhe daljen nga qyteti i Beratit edhe për banorët e bashkisë Poliçan dhe Çorovodë.