Ish ministri i Drejtësisë Ylli Manjani nëpërmjet një postimi në Facebook thotë se presidenti Meta nuk ka çtë presë më pasi kriza politike mund të çojë në përplasje. Detyra e presidentit tani është të ulë palët në tryezë dialogu.
Ja çfarë shkruan Manjani në Facebook:
Presidenti i Republikës, kryetari i shtetit dhe përfaqësuesi i unitetit të popullit, padyshim që ka një rol për të luajtur.
Nuk mund të bëjë sikur nuk sheh e nuk dëgjon. Qoftë edhe në emër të paanësisë apo mbipalësisë politike.
Vendi është në krizë e cila mund të çojë në përplasje. Detyra e çdo Presidenti në këto kushte është thirrja e palëve në dialog.
Ndaj Presidenti nuk ka ç’pret më! Duhet të fillojë punën për të ulur palët në tryezë dialogu.