Një raketë ruse ka shkaktuar dëme të mëdha në qytetin e Kharkiv, ku ka goditur një sallë koncertesh dhe zyra qeveritare. Ndërkohë, më herët u përfol shumë se shënjestër e trupave ruse ishte Guvernatori i qytetit të dytë më të madh në Ukrainë.
Në një hartë që ka publikuar “BBC”, tregohet Sheshi i Lirisë në qendër të Kharkivit, i cili gjatë mëngjesit të sotëm u sulmua nga raketat ruse.
Mediat ndërkombëtare publikojnë edhe videon, që tregon pamjet e tmerrshme të sulmit dhe momentin e shpërthimit të raketës. Nga sulmi u konfirmuan dhjetë viktima dhe dhjetëra të plagosur.