BBC shkruan se Ministria Ruse e Mbrojtjes ka lëshuar një paralajmërim për banorët e Keivit. Sipas këtij paralajmërimi, bëhet e qartë se rusët po përgatiten të godasin objektivat në kryeqytetin ukrainas.
Zyrtarët rusë kanë njoftuar pak minuta më parë përmes një deklarate se forcat e tyre po përgatiten të nisin “sulme me precizion të lartë” kundër “qendrave teknologjike të Shërbimit të Sigurisë në Ukrainë dhe qendrës kryesore të Kievit”.
“Ne u bëjmë thirrje qytetarëve ukrainas, të cilët po përdoren nga nacionalistët për të kryer provokime kundër Rusisë, si dhe banorëve të Kievit, që të largohen nga shtëpitë e tyre”, shkruhet në deklaratën e Ministrisë Ruse të Mbrojtjes.