Në një artikull të BBC-së njoftohet se nëpërmjet një deklarate të agjencisë së OKB-së për refugjatët, më shumë se 660,000 persona (kryesisht gra dhe fëmijë) janë larguar deri më tani nga Ukraina.
Zëdhënësja e agjencisë së refugjatëve të OKB-së, Shabia Mantoo, tha në një konferencë të mbajtur në Zvicër, se njerëzit kanë pritur deri në 60 orë për të hyrë në Poloni kurse radhët në kufirin rumun janë deri në 20 km të gjata.
Ndërsa një stacion treni në qytetin kufitar polak të Przemysl është bërë tashmë një strehë për mijëra njerëz që i largohen agresionit rus.