Takimet e kandidatit të Partisë Socialiste për Bashkinë e Dibrës Rahim Spahiu kanë vijuar me intelektualët e qytetit të Peshkopisë, duke shkëmbyer mendime rreth zhvillimit të Dibrës në vitet e ardhshme.
Teksa fushata elektorale është drejt fundit socialistët e këtij rrethi kanë shpeshtuar takimet me të gjitha grupmoshat, kategoritë dhe banorët e 14 Njësive Administrative.
Spikat fushata e qetë dhe e qytetëruar e kandidatit socialist teksa ai është një njohës i mirë i problemeve që ka krahina. Megjithëse Spahiu është drejt kurorëzimit me sukses të fushatës ai shprehet se gjatë takimit me intelektualët është bindur se fitorja e PS-së është e sigurtë:
Postimi i Spahiut:
Intelektualët janë një vlerë e shtuar për zonën tonë, të papërtuar për të shprehur pikëpamjet e tyre për zhvillimin e Dibrës. Kënaqësi të bisedoja me ta duke shkëmbyer mendime për atë që të gjithë së bashku duam që të jetë bashkia nesër.
Të bindur se do ja dalim.