Në një deklaratë për mediat, kryeministrja suedeze Magdalena Andersson njoftoi se qeveria e drejtuar prej saj dëshiron të forcojë aftësitë ushtarake të vendit. Ky vendim vjen si rezultat i pushtimit rus të Ukrainës, që sipas kryeministres suedeze ka rritur “nivelin e përgjithshëm të kërcënimit”.
“Aftësitë mbrojtëse të Suedisë duhet të forcohen, duhet të investohet në riarmatim. Suedia duhet të ketë mbrojtje të fortë”, tha Andersson teksa njoftoi se do të nisin bisedimet për burime shtesë.
Vendi nordik nuk është nën kërcënim direkt ushtarak, megjithatë autoritetet mendojnë të forcojnë shtetin me armatime të reja dhe të përgatiten për çdo lloj situate..
Kujtojmë që Suedia nuk është një shtet anëtar i NATO-s, por bashkëpunon ngushtë me aleancën./REL