Agjenti i Krimeve në Drejtorinë Vendore të Policisë së Dibrës, Arbër Sula është vetëdorëzuar ditën e djeshme në polici. Ai akuzohet si autor i gjarjes së ndodhur në datën 14 dhjetor 2021, ku pas një përleshjeje për radhën në një market u vra shtetasi Jurgen Duka, 29-vjeç.
Pasi ka dorëzyar armën dhe janë kryer proceduarat e identifikimit nga policia, Arbër Sulës i janë vendosur prangat. Gjithashtu është mësuar se polici përgjatë këtyre dy muajve e gjysmë që ka qëndruar në arrati, ka qenë brenda territorit të vendit dhe nuk ka tentuar të largohet jashtë.
Sipas burimeve për abcneës.al nga policia, bëjnë me dije se më herët gjatë kësaj kohe, nuk ka pasur tentativa komunikimi për ta bindur të dorëzohet pasi nuk dihej lokacioni.
Sula, për shkak të masës së sigurisë “arrest në burg” në mungesë të caktuar nga Gjykata Penale e Tiranës, nuk merret në pyetje nga Policia por do të dëshmojë para gjykatës kur t’i komunikohet masa e sigurisë.