2 helikopterë “Cougar” të ushtrisë shqiptare janë nisur ditën e sotme drejt Polonisë.
Siç shihet në foto, dy kamionë ku ndodhen helikopterët janë fotografuar në Kakavijë dhe fillimisht do të nisen drejt Greqisë, për të shkuar më pas në destinacionin final.
Ndonëse lufta në Ukrainë është në ditën e 7 dhe e gjithë bota i ka sytë drejt saj, nisja e helikopterëve shqiptarë në Poloni nuk ka lidhje me pushtimin rus. Abc mëson se helikopterët po shkojnë për remont në Poloni, një praktikë e zakonshme që ndiqet për mirëmbajtjen e tyre.
Itinerari për çuarjen e avionëve nis nga Greqia me qëllim që transporti të bëhet vetëm përmes vendeve të BE-së. Rrugëtimi do vijojë më pas në Bullgari-Rumani-Hungari-Sllovaki-Poloni.