Kryeministiri hungarez, Viktor Orban ka deklaruar se vendi i tij nuk do të përdor veto-n ndaj sanksioneve të Bashkimit Europian kundër Rusisë.
“Uniteti i bllokut 27 anëtarësh është parësor në mes të luftës në Ukrainë, të cilën Budapesti e dënon pa mëdyshje”, ishin fjalët e kryeministrit Viktor Orban.
Kryeministri u shpreh për lidhjet e Hungarisë me shtetin rus duke thënë se ato kanë qenë “të balancuara dhe të drejta” deri para pushtimit. Ndërsa pas fillimit të luftës është krijuar totalisht një situatë të re.
Ai vijoi duke thënë se megjithatë, nuk ka asnjë arsye për të ndërprerë lidhjet energjetike me Moskën.