Thirrje për të ndalur konfliktin në Ukrainë ka bërë edhe firma e dytë më e madhe ruse e naftës, LUKOIL.
“CNN” shkruan se Bordi i Drejtorëve të LUKOIL shpreh shqetësimet e tij më të thella për ngjarjet tragjike në Ukrainë.
“Duke bërë thirrje për përfundimin sa më të shpejtë të konfliktit të armatosur, ne shprehim ndjeshmërinë tonë të sinqertë për të gjitha viktimat, të cilat janë prekur nga kjo tragjedi. Ne mbështesim fuqimisht një armëpushim të qëndrueshëm dhe një zgjidhje të problemeve përmes negociatave serioze dhe diplomacie”, thuhet ne deklaratën e firmës.
Firma e naftës “Lukoil” është në pronësi të Vagit Alekperov dhe zëvendësit të tij, Leonid Fedun, sipas “Reuters”.