Tashmë prej 9 ditësh që nga 24 Shkurti kur filloi konflikti në Ukrainë, Rusia vazhdon ende pa u ndalur të avancojë sulmet e saj në disa qytete kryesore duke shkaktuar mijëra civilë të vrarë, ndërsa humbjet e saj në ushtarë dhe mjete ushtarake është goxha e madhe.
Aktualisht rusët kanë rrethuar 2 qytete kyçe në Ukrainë, Kharkivin dhe Kievin duke bërë disa sulme ajrore që kanë shkaktuar vdekje të mëdha nëpër shumë zona.
Qyteti i vogël i Irpin ndodhet 20 km në veriperëndim të Kievit dhe ndodhet në vijën e frontit midis forcave ruse dhe ukrainase gjatë javës së kaluar.
Blloku i apartamenteve më poshtë u godit nga një raketë ruse në orët e para të së shtunës së kaluar.
Ndërsa Kharkiv, qyteti i dytë më i madh i Ukrainës në veri-lindje të vendit, ka qenë në qendër të bombardimeve intensive nga rusët.
Chernihiv, një qytet 120 km (75 milje) në verilindje të Kievit, është përballur gjithashtu me bombardime të rënda ditët e fundit nga forcat ruse që pushtojnë nga veriu.
Nga ç’mund të dallohet shumë qartë edhe nga këto foto, duket se shkatërrimet janë mjaft të mëdha në infrastrukturë ku duket se pas humbjes në fushëbetejë, Putini po aplikon atë që di të bëjë më mirë: terror dhe vrasje ndaj popullsisë civile, siç bëri në Grozny dhe sëfundmi në Siri.