Pentagoni thotë se një sulm i ukrainasve mbi autokolonën e madhe ushtarake ruse ka bërë që kjo e fundit të ndalojë.
Ka qenë zëdhënësi i Pentagonit, John Kirby, i cili gjatë një deklarate për mediat ka bërë me dije se trupat ukrainase kanë sulmuar autokolonën 64 km të Rusëve e cila prej tre ditësh është nisur në drejtim të Kievit.
“Ne kemi raporte se është hedhur në erë një urë që besojmë se ishte në shtegun atje. Ne gjithashtu kemi indikacione se ukrainasit kanë goditur kolonën diku tjetër dhe në automjete”, tha Kirby.
“Ne besojmë se veprimet e ukrainasve e kanë bllokuar atë kolonë, sigurisht e kanë ngadalësuar atë, e kanë ndaluar në disa vende,” shtoi ai.
Tre ditë me parë imazhet satelitore përcollën, ritmin e përparimit të Rusisë drejt Kievit. Një kolonë e blinduar, rreth 40 milje (64 km) e gjatë, e mbushur me tanke dhe trupa, “gjarpëronte” duke ecur ngadalë drejt kryeqytetit Ukrainas.