Mbretëria e Bashkuar ka mbledhur 85 milionë paundë për të ofruar ndihmë për Ukrainën e cila prej 10 ditësh po sulmohet nga ushtria ruse.
Komiteti i Emergjencave dhe Fatkeqësive i cili përbëhet nga 15 organizara bamirësie në Mbretërinë e Bashkuar, duke përfshirë dhe Kryqin e Kuq, falenderoi të gjithë ata që kontribuuan.
Kjo shumë e madhe parash është mbledhur në vetëm dy ditë ndërsa 25 milionë paundë janë dhuruar nga vetë qeveria britanike.
Sipas Komitetit të Emergjencave dhe Fatkeqësive në Mbretërinë e Bashkuar, Ukraina mund të ketë nevojë për të ardhura për muaj e vite me radhë.