Rusia ka nisur një avion drejt Shteteve të Bashkuara të Amerikës për të kthyer në Moskë diplomatët e saj. Zëdhënësja e Ministrisë së Jashtme ruse Maria Zakharova theksoi se “ky avion do të kthejë në atdhe diplomatët rusë, të cilët qeveria amerikane i ka shpallur persona “non grata”.
Qeveria e SHBA-ve miratoi një fluturim të veçantë me charter nga qeveria ruse për të lehtësuar largimin e personelit të misionit rus të Kombeve të Bashkuara, të cilët u dëbuan për abuzim me privilegjet e tyre.
Ky përjashtim u bë në përputhje me rregulloren për t’u siguruar që personeli i misionit rus dhe familjet e tyre të largoheshin deri në datën që kishim udhëzuar.