Pak ditë më parë qytetarët u përballën me një rritje stratosferike të çmimit të karburanteve, ku brenda 24 orësh çmimi i naftës kaloi nga 198 lekë në 234 lekë, ndërsa ai i benzinës nga 200 lekë në 238 lekë.
Në një reagim në rrjetet sociale lidhur me pakënaqësinë që shkaktoi kjo te qytetarët, kryeministri Edi Rama u justifikua se qeveria nuk mund të bëjë asgjë pasi këtë e vendos tregu dhe se kjo është pasojë e luftës në Ukrainë.
Por rritja e çmimit të karburanteve ishte vetëm fillimi i rritjes së çmimeve të një sërë produktesh të tjera.
Sot në furrat kryesore të kryeqytetit ishte rritur edhe çmimi i bukës. Nga 100 lekë që ishte buka masive sot ajo u shit me 120 lekë. Rritja më e madhe kjo që ka ndodhur njëherësh.
Por sikur të mos mjaftonte kjo, rritje kanë pësuar edhe të gjitha çmimet e ushqimeve në supërmarkete. Ditët e fundit një litër vaji luledielli është shitur me 300 lekë.