Mesditën e sotme, Komisioni Qendror i Zgjedhjeve zhvilloi një mbledhje ku vendosi konfirmimin e mandateve për tre kandidatët fitues në zgjedhjet e pjesshme vendore të 6 marsit.
Kryekomisioneri i KQZ-së, Ilirjan Celibashi ka çertifikuar rezultatet e zgjedhjeve për tre bashkitë atë të Vorës, Dibrës dhe të Rrogozhinës.
Thënë ndryshe, KQZ konfirmoi mandatin e kryetarit të Bashkisë Dibër, Rahim Spahiu, atij të Bashkisë Vorë, Blerim Sherës nga Partia Socialiste si dhe kryetarit të Bashkisë së Rrogozhinës, Edison Memolla.
Ndërkaq, në mbledhjen e radhës pritet që të bëhet edhe certifikimi i zgjedhjeve për kryebashkiakët fitues të Shkodrës, Bardh Spahia, kryetares së Bashkisë së Durrësit, Emirjana Sakos dhe kandidates fituese të PS në Lushnje Eriselda Sefa.