Kreu i Partisë Demokratike në Gjirokastër, Roland Bejko, u shpreh mbrëmjen e sotme se do të ishte e pamoralshme që deputetët që dhanë dorëheqjen pas humbjes në zgjehdjet e 6 Marsit t’i bashkoheshin Sali Berishës.
Ai tha se deklarata e Bashës se nuk kishte humbur asnjë garë i përkeqësoi gjërat në parti, teksa shtoi se kryedemokrati duhet të ishte i përgatitur për këtë fazë.
“Qytetarët janë duke rrëzuar Ramën, ndërsa demokratët po rrëzojnë PD-në edhe më keq. Po të përsëriteshin votimet, PD do dilte dhe më keq, se është jashtë ritmit që presin demokratët. Këtu duhet të nisë reflektimi, si të rifitojmë qytetarët. Dihet që PD është në ditët më të vështira. Tani është lufta se kush do fitojë grupin parlamentar. Berisha e ka paracaktuar vendin e tij si kryetar se ka thënë që data 6 riktheu Berishën në politikë. Kur thotë këtë e ka për kryesinë e PD-së,” tha Bejko.
Çfarë duhet të bëjë Basha?
Bejko: Në rast se deputetët që janë shprehur për largimin e Bashës, e kanë bërë këtë dhe shkojnë me Berishën, kjo është e pamoralshme, se i çojnë një trofe Berishës. Në rast se këta deputetë qëndrojnë në PD dhe pretendojnë që të hapet gara brenda partisë, atëherë kjo është e drejtë, e moralshme dhe normale.
Basha duhet të ishte i përgatitur për këtë situatë dhe frazën që “skam humbur asnjë garë” i përkeqësoi gjërat se tregon që nuk ka një projekt të qartë për të ardhmen