Prej pesë ditësh qytetarët kanë protestuar kundër rritjes së çmimeve, në qytete të ndryshme në vend.
Së fundmi kryeministri Edi Rama, ka replikuar me ndjekësit e tij në facebook lidhur me situatën aktuale.
Përgjigja e kryeministrit Edi Rama:
“E para Edona e ka thënë atë në vitin 2017 kur as e njihja dhe as më njihte dhe për çdo shqiptar që kupton shqip dhe dëgjon atë që thuhet, ajo ka bërë ironi me mua, e që ta dinë ata që e përflasin këtë pjesë, një nga arsyet pse e kam ftuar Edonën në PS ka qenë fakti se ishte një njeri kritik me PS nga shoqëria civile! E dyta fatura e energjisë nuk varet nga sa njerez ka në shtëpi po nga konsumi dhe nëse të vjen aq shumëzoje për 5 se aq e ka çmimin real sot energjia dhe kije parasysh që atë pjesën tjetër ta paguan qeveria! E treta faturat e energjisë e të ngrohjes në Europe i kam parë, merre një nga ata familjarët që ke në Gjermani e ma posto që të bëjmë krahasimin! E katërta për naften e ke shpjegimin të gjerë e të gjatë në video mjafton ta dëgjosh! E pesta cmimet e shportës ti nuk i ke pas njëjtë me apo më shumë se gjermanët përveçse në ndonjë ëndërr që mund të kesh parë dhe sot nuk i ke absolutisht njëjtë se shumë më shume jo e jo! Dhe e fundit, taksat e naftës nuk do të ulen, për të gjitha arsyet që i ke edhe në këtë video dhe që po të duash mund t’i dëgjosh! Shëndet e mbarësi”
