Ndeshja e sotme mes Veronës dhe Napolit në Serinë A është paraprirë nga një ngjarje skandaloze që ka pasur protagonistë tifozët vendas.
Para fillimit të sfidës, para stadiumit është shfaqur një parullë e cila kishte disa koordinata satelitore të cilat i përkasin qytetit të Napolit. Aty shfaqeshin edhe flamujt e Rusisë dhe të Ukrainës, si një sugjerim se ku të lëshonin të gjitha raketat e tyre.
Një ngjarje e turpshme e cila ka bërë xhiron e rrjeteve sociale dhe ka sjellë apelin për ndëshkim të menjëhershëm të protagonistëve të kësaj parulle. Çështja ka mbërritur edhe në parlamentin italian, ku deputetë të veçantë kanë bërë apel që personat përgjegjës të ndëshkohen ashpërsisht dhe minimalisht të përjashtohen nga stadiumet.