Nga Spanja ka ardhur lajmi se Barcelona po planifikon të ndërmarrë një tjetër operacion këtë merkato për të siguruar shërbimet e sulmuesit egjiptian të Liverpool, Mohamed Salah.
Thuhet se tranjeri i “blaugranasve”, Xavi Hernandez u ka kërkuar drejtuesve të katalanasve një sulmues për të përforcuar akoma më shumë repartin e sulmit dhe egjiptiani është menduar si i duhuri për Barçën.
Katalanasit duan të përfitojnë nga rasti dhe të tregohen të shpejtë për të arritur një marrëveshje me lojtarin duke qenë se ky i fundit nuk ka rinovuar akoma me Liverpool. Sipas “AS”, bisedimet e fundit duket se kanë vendosur palët në kahe të kundërta.
Më tej, në bazë të po të të njëjtit burimit bëhet me dije se drejtuesit katalanas kanë kontaktuar edhe me agjentët e lojtarit, me të cilët ka pasur sinjale pozitive.
Ndërkohë në mediat franceze ekziston një tjetër alternativë për sulmin e Barçës. Sipas “Le10Sport”, pas Aubameyang një tjetër sulmuesi nga Arsenali është piketuar nga drejtuesit.
Alexandre Lacazette është i përzgjedhuri i cili i shtohet listës së dëshirave të Barcelonës. Megjithatë, gjithçka mund të ndodh vetëm nëse dështon afrimi i Haaland ose Salah.