Së fundmi, këngëtarja shumë e njohur me origjinë shqiptare, Dua Lipa ka bërë të ditur se ka marrë pjesë në inaugurimin e shkollës së parë shqipe që është hapur në Texas. Krahas një fotografie, Dua shkruan: “Një nder të isha pjesë e hapjes së shkollës së parë shqiptare në Texas sot.
Më tej, Dua shton: “Qendra promovon kulturën, artin dhe muzikën shqiptare duke ofruar kurse gjuhësore për moshat 5-15 vjeç.”
Kujtojmë që Dua Lipa është aktualisht e angazhuar me turneun e saj nëpër Amerikë, ‘Future Nostalgia’. Ylli shqiptar me famë botërore do të performojë në Amerikën e Veriut deri me 1 Prill dhe më pas pritet të vijë në Evropë deri në fund të qershorit.
