Psikiatria thotë se shkatërrimi, frustimi dhe pasiguria janë karakteristika e kohës sonë. Jemi një shoqëri e frikës dhe dominon kultura e armikut.
Jetojmë në një shoqëri që dominon frustimi. Ndjesia që prevalon është ajo e të gjendurit në një mjedis ku ndihesh i përjashtuar, i pasigurtë dhe ke frikë. Kështu akumulohet frustimi, që më pas kthehet në zemërim. Dhe e dini se ku çon zemërimi? Në dëshirën për të shkatërruar gjithçka. E sotmja nuk është e dhunshme, por është shkatërruese.
Vittorino Andreoli, mjaft i njohur si piskiatër dhe shkrimtar e reflekton kështu bashkëkohësinë e njeriut. Të paktë kështu e përshkruan në romanin e tij të fundit “Heshtja e gurëve”.
Duke folur për Huffington Post, Andreoli thotë se nuk beson në ndarjen kategorite të romanëve dhe eseve. Ai thotë se kohët nuk janë më të njëjtat, njeriu nuk është më i lirë të zgjedhë po ka vetëm mundësinë e bekuar thotë ai të mërgimit.
“Protagonisti im arratiset nga gjithçka. Arratiset nga zhurmat, interneti, bota virtuale që tremb dhe zë kohën, duke të ndaluar mundësinë e mendimit. Arratiset në një vend ku njeriu nuk ka shkuar akoma. Zgjedh një breg të mrekullueshëm, në natyrë, për t’i shpëtuar kësaj shoqërisë sonë të frustruar”, thotë ai.