Bazuar në një deklaratë të Ministrit të Transportit të Anglisë, Grant Shapps, u mësua se Britania e Madhe ka vendosur të heqë të gjitha kufizimet e udhëtimeve të vëna gjatë periudhës së pandemisë Covid-19, duke theksuar se kjo gjë u bë e mundur falë fushatës së gjerë të vaksinimit.
Sipas “Shapps”, tashmë nuk do të jetë më e nevojshme plotësimi i formularit në internet i njohur si ”Formulari i pasagjerëve”, në të cilin vërtetohet statusi i vaksinimit, vendbanimi në Britaninë e Madhe dhe mbi të gjitha detyrimin e testeve anti-Covid-19.
Lajmi u prit me kënaqësi nga kompanitë që menaxhojnë aeroportet, duke filluar nga ai i Londrës ”Heathrow”, që kishte përjetuar një rënie drastike të udhëtarëve gjatë pandemisë dhe se ka shpallur synimin e saj për të eliminuar detyrimin për pasagjerët të mbajnë maskën brenda strukturave të tyre.