Ditën e sotme, Bordi i Transparencës ka vendosur që çmimi i naftës dhe benzinës të jetë 203 lekë/ litri nga sot e deri në datën 21 mars.
Krijimi i Bordit të Transparencës dhe ndërhyrjet e tij vijnë pas një rritjeje të fortë të çmimit të karburanteve dhjetë ditë më parë në treg duke kapur çmimin maksimal prej 270 lekë/ litri si për naftën ashtu edhe për benzinën.
Megjithatë, kjo ndodhte atëhere kur çmimi i naftës në bursë arriti në më shumë se 130 dollar për fuçi, ndërsa tashmë që ai ka zbritur nën 100 dollar, ulja po reflektohet shumë ngadalë. Një ditë më parë, bordi vendosi që çmimi të ishte 211 lekë/ litri ndërkohë që çmimi në bursë ishte rreth 95 dollar/ fuçia.
Nëse do të krahasonim periudhat dhe çmimin e naftës në bursa, do të duhej që ai të zbriste nën 200 lekë/ litri në Shqipëri për të parë një stabilizim të situatës.
