Pas largimit të Roman Abramovich si president i Chelsea-t për shkak të sanksioneve të qeverisë britanike, klubi anglez ka mbetur në një pozicion të pasigurt duke dalë dhe në shitje. Në këto kushte, klubit nuk i lejohet aktualisht asnjë nënshkrim apo shitje e lojtarëve dhe asnjë kontratë e re nuk mund t’u ofrohet yjeve ose stafit aktual.
Kështu, mediat angleze kanë aluduar sesi mund të jetë formacionin i mundshm i Chelsea-t sezonin e ardhshëm, ku në fakt pritet të ketë shumë ndryshme.
Talenti shqiptar Armando Broja i cili është në pronësi të bluve të Londrës pritet të rikthehet nga Southampton ku është i huazuar dhe ku ka shkëlqyer këtë sezon, duke zëvendësuar Lukakun i cili mund të rikthehet te Interi.
Sa i përket largimeve Cesar Azpilicueta, Antonio Rudiger dhe Andreas Christensen do të largohen nga klubi, së bashku me të riun Xavier Simons.
Efekti këtë sezon nuk do të jetë shumë i dëmshëm për ekipin për momentin, por sezonin e ardhshëm, edhe nëse gjendet një blerës dhe klubi ndryshon duart, paratë mund të jenë shumë më të shtrënguara.