Ish-kryetari i Partisë Demokratike, Sali Berisha zhvilloi këtë të dielë një rikthyer takim me emigrantët shqiptarë të clët jetojnë dhe punojnë në shtetin grek.
Gjatë fjalës së mbajtur, Berisha e vuri theksin tek situata politike e kohëve të fundit në vendin tonë për të cilën tha se është shumë e ndërlikuar. Megjithatë, ai u shpres se tashmë zgjedhjet e 6 marsit dëshmuan rikthimin e fuqishëm të PD-së në opozitë.
Nuk munguan as akuzat ndaj qeverisë, ku Berisha tha se e kjo e fundit e ka mbushur vendin me banda kriminale dhe drogë dhe thekson se shumë shpejt tashmë do të jetë fundi i kësaj situate.
Ish kreu i PD-së garantoi shqiptarët që jetojnë në Greqi se diaspora do të ketë një vend të rëndësishëm tek prioriteti i PD-së.
“Zhvillimet në Shqipëri siç dhe i keni ndjekur kanë qenë dhe mbeten shumë problematike, vendi qeveriset nga një qeveri e papërgjegjshme e cila në këto vite njëlloj si në diktatura ja ka dalë të ndalojë dhe të kthejë pas kohën. Shqipëria në 8 vite nuk njohu progres në procesin e integrimit në BE në këto 8 vite shqiptarët u varfëruan dhe mjerimi u rrit me 3-4 herë. Nga një shoqëri me rrogat mesatare më të larta në Rajon, pa u krahasuar me Greqinë, sot vendi ka rrogën mesatare më të ulët se Kosova dhe në rajon.
Bandat droga dhe krimi bëjnë qeverisjen tashmë, zgjedhjet dhe vota e lirë në realitet janë përjashtuar nga shoqëria. Në PS nga 2009 e deri më sot nuk bëhen më zgjedhje, këtë model e imitoi edhe ish kreu i PD-së Lulzim Basha në këto kushte në kushtet kur Partia Demokratike ndodhej në një agoni pas një serie humbjesh njëra pas tjetrës, u morën nisma për rithemelimin e saj dhe ju i keni ndjekur këto zhvillime.
Në këto 5 muaj përpjekjet për rithemelimin e PD-së janë zhvillimi më i madh politik në vend. 11 dhjetori me Kuvendin, Referendumi i 18 dhjetorit dhe zgjedhjet e 6 marsit të cilat dëshmuan qartë opozitën e vërtetë të vendit, ndonëse duke i marrë padrejtësisë logon PD-ja e vërtetë mori mbështetjen e 70% të elektoratit të djathtë. Kemi rikthimin e fuqishëm të PD-së si forcë e vërtetë opozitare.
Do të bëjmë gjithçka qe kemi në dorë që diaspora të ketë vendin e saj në zgjedhjet në vend. Emigracioni do të ketë prioritet për Partinë Demokratike’, deklaroi Berisha.