Princi Harry dhe Meghan, Dukesha e Sussex-it, pritet të bëjnë një paraqitje në ceremoninë e “Oscars” fundjavën e ardhshme për të ndarë çmimin kryesor të natës.
Princi 37-vjeçar dhe gruaja e tij 40-vjeçare mund të ngjiten në skenën në Teatrin “Dolby” në “Hollywood” të dielën e ardhshme në mbrëmje, si pjesë e ceremonisë së ndarjes së çmimeve të Akademisë 2021.
Sugjerohet se çifti do të shpallë fituesin e çmimit për filmin më të mirë – i cili është gongu më i mirë i natës dhe tradicionalisht rezervohet të zbulohet në fund të ceremonisë.
Por shfaqja e Princit Harry në një skenë kaq të profilit të lartë mund të sjellë përbuzje, pasi ai mori vendimin për të refuzuar një memorial të ardhshëm për të ndjerin Princ Philip – gjyshin e tij – i cili vdiq vitin e kaluar në moshën 99-vjeçare.
Një burim i tha “The Sun” planet e Harry-t dhe Meghan-it për t’u paraqitur në Oscar, duke thënë: “Natyrisht që ata do të mund ta shfrytëzonin këtë paraqitje për të folur mbi çështje të rëndësishme, siç do të ishte lufta në Ukrainë.”
Producentët e shfaqjes Will Packer dhe Shayla Cowan kanë renditur disa emra të mrekullueshëm për t’u ngjitur në skenë dhe Harry dhe Meghan do të ishin qershia mbi tortë.”
Megjithatë, burimi spekulon se nuk ka gjasa që Princi Harry të marrë pjesë. Ata shtojnë: “Do të shihej si një goditje e fundit në dhëmbë për familjen mbretërore nëse do ta bënte – ai është shumë nervoz për të fluturuar në Londër pa mbrojtje nga policia, por i lumtur që ngrihet përpara një publiku të madh live në Teatrin “Dolby” në Hollywood.”