Këngëtarja e njohur, Zaimina Vasjari është bërë sërish nënë. Kjo është hera e dytë për këngëtaren që sjell në jetë një fëmijë. Lajmin e gëzueshëm e ka bërë publik vetë bashkëshorti i Zajminës, Klodian Asllani me anë të një postimi në rrjetin social “Instagram”.
“Mirë se erdhe Kamar”, shkruan ai krahas një fotografie ku shihen tullumbace blu dhe një arushë, duke zbuluar në këtë mënyrë edhe emrin e veçantë që dyshja kanë zgjedhur për të birin.
Emri Kamar vjen nga fjala “qamar” që në arabisht do të thotë “hënë”.
Sjellim ndërmend që ky është fëmija i dytë për Zaiminën, pas vajzës. Ndërkohë, për bashkëshortin e saj është fëmija i katërt, pasi ai është baba edhe i dy vajzave nga martesa e parë.
