Dorëheqjen e Lulzim Bashës nga kreu i PD, deputeti Flamur Noka e ka konsideruar një blof, ndërsa shtoi se lëvizja e djeshme (21 mars) ishte për t’u hedhur hi syve demokratëve.
Noka në një intervistë për Ora News, tha se edhe pse Basha u largua pas ka lënë bashkëpunuesit e tij, që sipas tij do i shërbejnë Edi Ramës, në tentativën për të asgjësuar PD.
“Që nga data 11 dhjetor, për të gjithë demokratët, zoti Brava është deputet. Lëvizja e është e gjitha një blof për t’’I zgjatur agoninë asaj selia. Për të zgjatur sa më shumë tentativën e tij për ta shkërmoqur atë seli dhe atë grup deputetësh që ka. 6 marsi vërtetoi se 6% është fuqia e Bravës së bashku me mbështetësit e tij. Pas 6 marsit pati një zgjim në bazë te demokratët, dhe pati një zgjim dhe në grupin parlamentar.
Brava bëri një lëvizje për t’u hedhur hi syve demokratëve. U tërhoq një hap pas dhe la po bashkëpunuesit e tij. Kjo është vazhdim i shërbimit ndaj Edi Ramës, i tentativës së asgjësimit i asaj që ka mbetur aty dhe është vazhdim i betejës, kundër demokratëve dhe PD në përgjithësi”, tha Basha.
Noka theksoi se nëse Lulzim Basha do të ndjente përgjegjësi ndaj demokratëve do të jepte dorëheqjen më 11 dhjetor, kur dhe u mboll Kuvendi Kombëtar i PD.
“Basha nëse do të ishte një drejtues që ndjen përgjegjësi ndaj demokratëve dhe vullnetit të tyre me datë 11 dhjetor duhet të jepte dorëheqjen. Fakti që nuk bëri asnjë hap, tregoi se ai nuk e njeh votën. Ai kupto se fundi i kishte ardhur. Gjeti një artificë, por prapë me kushtin që ta zvarrisë dhe ta mbajë peng”, deklaroi Noka.