Mbi 10 milionë qytetarë kanë lënë shtëpitë e tyre në Ukrainë për shkak të sulmit nga Rusia. Këtë e ka konfirmuar Komisioneri i Lartë i OKB-së për refugjatët.
Sipas BBC, 3.5 milionë qytetarë janë larguar jashtë shtetit dhe janë strehuar në shtetet fqinje, ndërsa 6.5 milionë të tjerë mendohet se janë të zhvendosur brenda vetë vendit të shkatërruar nga lufta.
Ku po ikin njerëzit brenda Ukrainës?
Shifra e OKB-së bazohet në hulumtimin e Organizatës Ndërkombëtare për Migracionin (IOM) të kryer midis 9 dhe 16 marsit.
Sipas anketimeve të realizuara për 2,000 persona brenda vendit:
gati 30% kishin ardhur nga Kievi, më shumë se 36% kishin ikur nga lindja e Ukrainës dhe 20% kishin ardhur nga veriu
gati 40% ishin tani në perëndim të Ukrainës, me më pak se 3% në Kiev
vetëm 5% kishin lënë shtëpitë e tyre në pritje të pushtimit, me shumicën dërrmuese të arratisjes ose në fillim të luftës ose kur ajo arriti në zonën e tyre
IOM vlerëson se më shumë se gjysma e qytetarëve të zhvendosur brenda vendit janë gra dhe shumë prej tyre konsiderohen veçanërisht të cenueshëm sepse janë shtatzënë, janë me aftësi ndryshe ose janë viktimë e dhunës.
Përveç 6.5 milionë qytetarëve që kanë lënë shtëpitë e tyre, rreth 12 milionë mendohet të jenë të bllokuar ose të paaftë të largohen nga zonat e prekura nga luftimet.
Në cilat vende po shkojnë refugjatët e Ukrainës?
Refugjatët po kalojnë gjithashtu drejt vendeve fqinje në perëndim, si Polonia, Rumania, Sllovakia, Hungaria dhe Moldavia.
OKB thotë se që nga 21 marsi , 3.5 milionë persona janë larguar nga Ukraina:
Polonia ka pranuar 2,113,554 refugjatë
Rumania 543 308
Moldavia 367.913
Hungaria 317,863
Sllovakia 253.592
Rusia 252,376
Bjellorusia 4308
Disa njerëz kanë udhëtuar nga Moldavia në Rumani dhe kështu janë përfshirë në totalin e të dy vendeve, thotë OKB.