Dy protagonistët kryesorë të të gjithë rrugëtimit të spektaklit “Big Brother VIP” ishin padyshim Ilir Shaqiri dhe Donald Veshaj. Rivaliteti i tyre ishte i gjallë deri në momentin e fundit, duke diskutuar mes tyre edhe çmimin e madh.
Por, kjo garë e fortë mes Ilirit dhe Donaldit ka vënë në situata të vështira edhe banorë të tjerë si çka qënë edhe Monika Lubonja, e cila jo pak herë është vendosur në dilema se duhet të zgjidhte.
Në një moment, Monika është vendosur edhe në një pozitë delikate zgjedhjeje, ku mund t’i vendoste përballë njëri-tjetrit në nominim djemtë.
Megjithatë, tani që ka një muaj që loja ka përfunduar, aktorja ka treguar arsyen pse nuk bëri këtë zgjedhje.
“Zgjedhja ishte shumë e shpejtë, Arbana nuk të linte as kohën për të vendosur. Nëse e mbani mend, unë u persekutova nga Iliri sepse shpëtova në atë kohë Trixën, edhe pse askush nuk rrezikohej në atë moment. Mendo çfarë mund të ndodhtë në prag të kësaj. Ata kërkuan vetë të ishin në nominim me njëri-tjetrin dhe nuk ua lejoi produksioni. E kërkoi edhe Iliri edhe Donaldi dhe produksioni nuk ua dha mundësinë. Në atë moment e kuptova që produksioni nuk do që këta të digjen para kohe. Nëse do i kisha futur unë ata të dy në nominim, produksioni do më fuste mua sepse unë isha e panominuar”, tha Monika.